ავღანეთის, ბაღლანის პროვინციაში შეიარაღებული პირები თავს დაესხნენ ავტობუსს, რომელსაც ადგილობრივი უნივერსიტეტის პედაგოგები და სტუდენტები გადაჰყავდა. ინციდენტის შედეგად 2 ადამიანი დაიღუპა.
ადგილობრივი მედიის ინფორმაციით, ავტობუსს ჭურვი დაეცა. დაღუპულია მძღოლი და ერთი სტუდენტი. ექვსი მასწავლებელი დაიჭრა.
”ავტობუსში 25-მდე პედაგოგი და სტუდენტი იმყოფებოდა”, - წერს Tolo News.
ბაღლანის პოლიციამ განაცხადა, რომ თავდასხმის უკან რადიკალური მოძრაობა "თალიბანი" დგას. თალიბებს მომხდართან დაკავშირებით კომენტარი ჯერ არ გაუკეთებიათ.
