ავღანეთში, ნურისტანის პროვინციაში წყალდიდობის შედეგად, სულ მცირე, 150 ადამიანი დაიღუპა. ინფორმაციას ტელეარხი 1TV ადგილობრივ ხელისუფლებაზე დაყრდნობით ავრცელებს.
ტელეარხის ცნობით, სტიქია თავს დაატყდა რაიონს, რომელიც პაკისტანის საზღვართან ახლოს მდებარეობს.
ქვეყნის საგანგებო სიტუაციების სამინისტროს წარმომადგენელმა, 100 დაღუპულის შესახებ ინფორმაცია დაადასტურა. სამინისტროს ინფორმაციით, წყალდიდობის შედეგად, სულ მცირე, 60 საცხოვრებელი კორპუსი დაინგრა.
