ბოლო მონაცემებით, ავსტრალიაში კორონავირუსით 12 ადამიანია დაინფიცირებული. ამის შესახებ ინფორმაციას 7News ავრცელებს.
ავსტრალიის პრემიერ მინისტრის, სკოტ მორისონის განცხადებით ქვეყნის ტერიტორიაზე ჩინეთიდან ჩამოსული ყველა უცხოელი ტურისტის შესვლა აიკრძალა. მისი თქმით, მხოლოდ ავსტრალიის მოქალაქეებს შეეძლებათ ქვეყანაში ფრენა ჩინეთიდან.
Prime Minister @ScottMorrisonMP said only Australian citizens will be allowed to fly into the country from China, amid the deadly coronavirus outbreak. #auspol #7NEWS https://t.co/Be5lKNNbrU
— 7NEWS Adelaide (@7NewsAdelaide) February 1, 2020
ახალი ტიპის კორონავირუსი ჩინეთის ქალაქ ვუჰანში გასული წლის დეკემბერში გავრცელდა. ჩინეთის ხელისუფლებამ ჯანდაცვის მსოფლიო ორგანიზაციას ვირუსის აფეთქების შესახებ 31 დეკემბერს აცნობა.
30 იანვარს, ჯანდაცვის მსოფლიო ორგანიზაციამ კორონავირუსის ეპიდემია გლობალურ საფრთხედ გამოაცხადა.
ჩინეთში კორონავირუსით დაღუპულთა რიცხვი 259-მდე გაიზარდა. ამის შესახებ ინფორმაცია ქვეყნის ჯანდაცვის კომისიამ გაავრცელა.