ავსტრალიაში, ვიქტორიას შტატში კორონავირუსით ინფიცირების შემთხვევების მკვეთრი ზრდის გამო 63 სკოლა დაიხურა. ამის შესახებ ადგილობრივი მედია წერს.
შტატის ხელისუფლება აცხადებს, რომ მდგომარეობა საგანგაშოა. ისინი ყველა შესაბამის უწყებას მოუწოდებენ, ბავშვები დისტანციურ სწავლებაზე ისევ გადაიყვანონ.
განათლების სისტემის წარმომადგენლების თქმით, ეპიდემიის დროს სახლში ყოფნა ბავშვებისთვის საუკეთესო გადაწყვეტილებაა, თუმცა ეს არ ეხება მე-11 და მე-12 კლასის მოსწავლეებს, რის გამოც სკოლები ნაწილობრივ მუშაობას აგრძელებენ.
