ავსტრალიაში, კერძოდ დასავლეთ ავსტრალიის შტატში Robinson R44-ის ტიპის ვერტმფრენის ჩამოვარდნის შედეგად ორი ადამიანი დაიღუპა, მათ შორის ერთი არასრულწლოვანი. ამის შესახებ ინფორმაციას შტატის პოლიციის დეპარტამენტი ავრცელებს.
სამართალდამცავების ინფორმაციით, ვერტმფრენი ჩამოვარდა სოფელ ბრუმის გარეუბნებში. შემთხვევის ადგილზე სამაშველო სამსახური გამოიძახეს, თუმცა პილოტისა და 11 წლის გოგონას გადარჩენა ვერ მოხერხდა.
ABC აღნიშნავს, რომ ვერტმფრენის პილოტი მიყენებული ჭრილობებისგან შემთხვევის ადგილზე დაიღუპა, ხოლო გოგონა საავადმყოფოში გარდაიცვალა.
ავსტრალიის ტრანსპორტის უსაფრთხოების ბიურო მომხდარს იძიებს.
