2022 წლის დასაწყისში კორონავირუსის ახალმა შტამმა, "ომიკრონმა", გავრცელებით "დელტას" გაუსწრო და დომინანტური შტამი გახდა. Report.ge-ს ცნობით, ინფორმაციას APA ავრცელებს.
ავსტრიის ჯანდაცვის სააგენტო AGES იტყობინება, რომ 52 კალენდარული კვირის განმავლობაში (2021 წლის 27 დეკემბრიდან 2022 წლის 2 იანვრამდე) "დელტას" 2915 შემთხვევა დაფიქსირდა, "ომიკრონის" კი - 4360 შემთხვევა.
ჯამში ქვეყანაში "ომიკრონის" 6768 დადასტურებული შემთხვევა ფიქსირდება. პირველად, კორონავირუსის ეს ახალი შტამი ავსტრიაში 47-ე კალენდარულ კვირას დაფიქსირდა. "ომიკრონის" შემთხვევების უმეტესობა დედაქალაქ ვენაში დაფიქსირდა - 3766.
ბოლო დღე-ღამის განმავლობაში ავსტრიაში კორონავირუსით ინფიცირების 3300-ზე მეტი ახალი შემთხვევა დაფიქსირდა.
