პარტიამ "ახალი აზერბაიჯანი"(Yeni Azərbaycan Partiyası) მიიღო გადაწყვეტილება, რომ საკანონმდებლო ორგანო პრეზიდენტის მიერ გატარებული რეფორმების მიღმა არ უნდა დარჩეს, - ამის შესახებ პრესკონფერენციაზე აზერბაიჯანის მმართველი პარტიის თავმჯდომარის მოადგილემ, აღმასრულებელმა მდივანმა ალი ახმედოვმა განაცხადა.
"პოლიტსაბჭოს ყველა წევრმა აღნიშნულ საკითხში ერთსულოვნება გამოხატა. ჩვენ დეპუტატებს რეკომენდაცია მივეცით, რომ პრეზიდენტს პარლამენტის დათხოვნის შესახებ მიმართონ", - განაცხადა ალი ახმედოვმა.
აზერბაიჯანის პარლამენტი, მილი მეჯლისი 125 დეპუტატისგან შედგება. მორიგი საპარლამენტო არჩევნები ქვეყანაში 2020 წლის ნოემბერში უნდა გამართულიყო.