აზერბაიჯანის ტერიტორიაზე ცხოვრობდა და ცხოვრობს ბევრი ერი და ეთნიკური ჯგუფი, - ამის შესახებ ბრიფინგზე აზერბაიჯანის საგარეო საქმეთა სამინისტროს პრესსამსახურის უფროსმა, ლეილა აბდულაევამ განაცხადა.
"ჩვენი სომეხი ეროვნების მოქალაქეების მიმართ, რომლებიც ახლა აზერბაიჯანის ოკუპირებულ ტერიტორიაზე იმყოფებიან, განწყობა ისეთივეა, როგორც სხვა ეროვნების აზერბაიჯანის ყველა მოქალაქის მიმართ, ყოველგვარი კითხვის ნიშნის გარეშე. ეს ასე იყო ყოველთვის და ასე იქნება", - განაცხადა აბდულაევამ.
