8 დეკემბერს, 14:35 საათიდან 15:30 საათამდე, სომხეთის შეიარაღებული ძალების ნაწილებმა ბასარქეჩიარის რაიონის ერთ-ერთ სოფელში მდებარე პოზიციებიდან, ყოველგვარი მიზეზის გარეშე, აზერბაიჯანის არმიის პოზიციებს ცეცხლი გაუხსნეს, - განცხადებას აზერბაიჯანის თავდაცვის სამინისტროს პრესსამსახური ავრცელებს.
უწყების ცნობით, აზერბაიჯანის არმიის ქვედანაყოფებმა "მოწინააღმდეგის ჩახშობის მიზნით ადეკვატური საპასუხო ზომები მიიღეს".
აზერბაიჯანის არმიის პერსონალსა და სამხედრო ტექნიკას შორის დანაკარგი არ არის.
"ოპერატიულ ვითარებას ჩვენი ქვედანაყოფები სრულად აკონტროლებენ", - აცხადებენ აზერბაიჯანის თავდაცვის სამინისტროში.
