აზერბაიჯანის თავდაცვის სამინისტრო ვიდეოს ავრცელებს, რომელზეც, უწყების ცნობით, ჯებრაილის რაიონის გათავისუფლებული სოფელი სულეიმანლია აღბეჭდილი.
-13:43-
საომარ მოქმედებებში მონაწილე პერსონალის უზრუნველყოფისა და აღჭურვის საკითხები ყურადღების ცენტრშია და მათი დაუყოვნებლივ გადაწყვეტისთვის ყველა ზომის მიღება ხორციელდება, - ამის შესახებ აზერბაიჯანის თავდაცვის სამინისტროში განაცხადეს.
უწყების ინფორმაციით, საბრძოლო მოქმედებების ზონის მახლობლად მომარაგებისა და სამომხმარებლო მომსახურების მოძრავი პუნქტებია შექმნილი.
-12:26-
აზერბაიჯანის თავდაცვის სამინისტრო ახალ ვიდეოს ავრცელებს. უწყების ინფორმაციით, 12 ოქტომბრის ღამეს აზერბაიჯანის საჰაერო თავდაცვის ქვედანაყოფებმა სომხეთ-აზერბაიჯანის სახელმწიფო საზღვრის ტოვუზის რაიონის მიმართულებით ორი უპილოტო საფრენი აპარატი გაანადგურეს, დღეს დილით კი - ერთი, აღდამის რაიონის მიმართულებით.
