აზერბაიჯანის თავდაცვის სამინისტრო აქვეყნებს ვიდეოკადრებს, რომლებზეც, უწყების ცნობით, ოკუპაციისგან გათავისუფლებული ქალაქი შუშაა ასახული.
-16:49-
აზერბაიჯანის თავდაცვის სამინისტრო ვიდეოს ავრცელებს, რომელზეც, უწყების ცნობით, ფრონტის ხოჯავენდის მიმართულებით სომხეთის შეიარაღებული ძალების პოზიციებსა და ცოცხალ ძალაზე დარტყმებია ასახული.
-14:39-
აზერბაიჯანის თავდაცვის სამინისტროს ვიდეოს ავრცელებს,რომელზეც, უწყების ინფორმაციით, ასახულია სომხეთის შეიარაღებული ძალების ერთი ტანკისა და ერთი საბრძოლო მანქანის განადგურება, რომლებმაც ლაჩინ-შუშას გზაზე, სოფელ ზარისლის მახლობლად აზერბაიჯანის შეიარაღებული ძალების ქვედანაყოფებზე თავდასხმა სცადეს.
-13:19-
აზერბაიჯანის თავდაცვის სამინისტრო ვიდეოს ავრცელებს, რომელზეც, უწყების ცნობით, ნაჩვენებია სომხეთის შეიარაღებული ძალების ტექნიკის განადგურება.
"8-9 ნოემბრის ღამეს, სომხეთის შეიარაღებული ძალების მე-10 სამთო- მსროლელი დივიზიის ნაღმტყორცნებიდან, რომლებმაც რაიონის პოზიცია დაიკავეს, აზერბაიჯანის არმიის პოზიციებს ესროლეს. ჩვენი ქვედანაყოფების ზუსტმა დარტყმამ ნაღმტყორცნები და მისი შემადგენლობა გაანადგურა.
აზერბაიჯანის არმიის ქვედანაყოფებმა ასევე 1 T-72 ტანკი სოფელ თონაშენის მახლობლად და ფრონტის ხოჯავენდის მიმართულებით მოწინააღმდეგის პირადი შემადგენლობა გაანადგურეს", - აღნიშნულია აზერბაიჯანის თავდაცვის სამინისტროს ინფორმაციაში.
