აზერბაიჯანისა და სომხეთის საგარეო საქმეთა მინისტრებმა, ჯეიჰუნ ბაირამოვმა და არარატ მირზოიანმა ურთიერთობების ნორმალიზებაზე ისაუბრეს, – ამის შესახებ ინფორმაციას აზერბაიჯანული მედია ქვეყნის საგარეო საქმეთა სამინისტროზე დაყრდნობით ავრცელებს.
შეხვედრა ეუთო-ს მინსკის ჯგუფის თანათავმჯდომარეებისა და ეუთო-ს მოქმედი თავმჯდომარის პირადი წარმომადგენლის, ანჯეი კასპშიკის მონაწილეობით საფრანგეთის დედაქალაქ პარიზში გაიმართა.
აზერბაიჯანის საგარეო საქმეთა სამინისტროს ინფორმაციით, მხარეებმა გაცვალეს აზრები აზერბაიჯანსა და სომხეთს შორის ურთიერთობების ნორმალიზების პროცესთან დაკავშირებულ საკითხებზე, რეგიონში არსებული ახალი რეალობის გათვალისწინებით.
