აზერბაიჯანმა ადამიანის უფლებათა ევროპული სასამართლოში სომხეთის წინააღმდეგ კიდევ ერთი სახელმწიფოთაშორისი სარჩელი შეიტანა. აზერბაიჯანული მხარე ამტკიცებს, რომ სომხეთი გათავისუფლებულ ტერიტორიებზე ნაღმების ველების რუკების გადაცემაზე უარს აცხადებს, რაც ადამიანების სიცოცხლეს საფრთხეს უქმნის. ინფორმაციას ამის შესახებ აზერბაიჯანული მედია ავრცელებს.
აზერბაიჯანის ამტკიცებს, რომ ეს სარჩელი სომხეთზე გავლენას გააძლიერებს, რათა მან საერთაშორისო ვალდებულებები შეასრულოს.
"აზერბაიჯანის საერთაშორისოდ აღიარებულ ტერიტორიებზე თითქმის 30-წლიანი უკანონო ოკუპაციის პირობებში სომხეთმა უზარმაზარი რაოდენობის ნაღმები განალაგა. საერთაშორისო სამართლის დარღვევით, სომხეთი ნაღმების განთავსებას გათავისუფლებული ტერიტორიებიდან უკან დახევის შემდეგაც ახორციელებდა", - წერს მედია.
ის აღნიშნავს, რომ 2020 წლის 10 ნოემბრის ერთობლივი განცხადების შემდეგ, რითიც ორ ქვეყანას შორის საბრძოლო მოქმედებები დასრულდა, აზერბაიჯანის ხელისუფლება სომხეთს არაერთხელ მოუწოდებდა, ნაღმების რუკები გადაეცა მისთვის.
"სომხეთის უარს ნაღმების ველების რუკების წარმოდგენაზე არანაირი სტრატეგიული, სამართლებრივი ან მორალური საფუძველი არ აქვს და მხოლოდ ამ რეგიონში აზერბაიჯანის სამოქალაქო მოსახლეობის გარდაცვალებისა და დასახიჩრებისკენ არის მიმართული. სომხეთის მოქმედებები სომხურ მოსახლეობასაც უქმნის საფრთხეს, რომელის გათავისუფლებულ ტერიტორიებზე ცხოვრობს. ჩვენ კიდევ ერთხელ ვითხოვთ სომხეთისთვის, შეასრულოს თავისი საერთაშორისო სამართლებრივი ვალდებულებები, წარმოადგინოს ნაღმების ველების რუკები და ამ საკითხზე ნებისმიერი ღირებული ინფორმაცია. ჩვენ მოვუწოდებთ ევროპულ სასამართლოს ჩაერიოს, სანამ სომხეთი ამაზე უარს აცხადებს", - განაცხადა ადამიანის უფლებათა ევროპული სასამართლოში აზერბაიჯანის სრულუფლებიანმა წარმომადგენელმა, ჩინგიზ ასკეროვმა.
