აზერბაიჯანში გამარჯვების დღის აღსანიშნავი ღონისძიებები მიმდინარეობს. ინფორმაციას აზერბაიჯანული მედია ავრცელებს.
ქვეყნის ქალაქებში, რეგიონებსა და სოფლებში ყარაბაღის ომში გამარჯვებას აღნიშნავენ.
ბაქოში 44-დღიან ომში აზერბაიჯანის გამარჯვების დღესთან დაკავშირებით მასობრივი მსვლელობა მიმდინარეობს.
მსვლელობაში, რომელიც აზნეფტის მოედანზე დაიწყო, სამხედრო ორკესტრის თანხლებით ათიათასობით ადამიანი მონაწილეობს.
ცნობისთვის, 2020 წლის 8 ნოემბერს აზერბაიჯანის პრეზიდენტმა ილჰამ ალიევმა შუშის ოკუპაციისგან გათავისუფლების შესახებ გამოაცხადა. ქალაქის ცენტრში აზერბაიჯანის სამფეროვანი დროშა აღმართეს.
