აზრბაიჯანში ახალი ტიპის კორონავირუსით ინფიცირების კიდევ 12 შემთხვევა გამოვლინდა. ამით, ინფიცირებულთა საერთო რიცხვმა 65-ს მიაღწია. დაავადებას 1 ადამიანი ემსხვერპლა, ხოლო 11 გამოჯანმრთელდა. ამჟამად მკურნალობას გადის 53 პაციენტი.
”კორონავირუსული ინფექცია გლობალურ პანდემიად გამოცხადდა და ვირუსის გავრცელება კვლავ გრძელდება. ჩვენ კიდევ ერთხელ მოვუწოდებთ მოქალაქეებს, იყვნენ ფრთხილად და შეასრულონ ჯანდაცვის მსოფლიო ორგანიზაციის რეკომენდაციები, რათა უზრუნველყოფილ იქნას მათი ჯანმრთელობისა და უსაფრთხოების საიმედო დაცვა", - ნათქვამია აზერბაიჯანის მინისტრთა კაბინეტთან არსებული ოპერაციული შტაბის განცხადებაში.
