ხელისუფლების გადაწყვეტილების თანახმად, აზერბაიჯანში კორონავირუსის ინფექციის გავრცელების და მისი შესაძლო გართულებების თავიდან ასაცილებლად, აზერბაიჯანში სპეციალური საკარანტინო რეჟიმის ვადა 2021 წლის 1 სექტემბრის 06:00 საათამდე გაგრძელდება. შესაბამის გადაწყვეტილებას ხელი ქვეყნის პრემიერ-მინისტრმა, ალი ასადოვმა მოაწერა.
მანამდე აზერბაიჯანში საკარანტინო რეჟიმის მოქმედების ვადა 1 აგვისტომდე იყო განსაზღვრული.
22 ივნისს აზერბაიჯანის ხელისუფლებამ საკარანტინო რეჟიმი შეამსუბუქა. 1 ივლისიდან ქვეყნის ტერიტორიაზე ქორწილებისა და სხვა საზეიმო ღონისძიებების ჩატარებაა ნებადართული.
