ერაყის დედაქალაქში, იბნ-ხატიბის კოვიდსაავადმყოფოს ინტენსიური თერაპიის განყოფილებაში აფეთქებას, სულ მცირე, 27 ადამიანი ემსხვერპლა. ამის შესახებ საინფორმაციო სააგენტო Aljazeera წერს.
გავრცელებული ინფორმაციით, საავადმყოფოში ხანძარი ჟანგბადის ავზის აფეთქების შედეგად გაჩნდა. აფეთქება კლინიკის ინტენსიური თერაპიის განყოფილებაში მოხდა.
დაღუპულთა გარდა არიან დაშავებულებიც. საავადმყოფოში სულ 46 ადამიანია გადაყვანილი.
გამოცემის ცნობით, ინციდენტის დროს საავადმყოფოში მყოფი 120 ადამიანიდან 90-ის გადარჩენა მოხერხდა.
