აზერბაიჯანის დედაქალაქში აფეთქებას მსხვერპლი მოჰყვა.
ბაქოში, ორსართულიან საცხოვრებელ სახლში მომხდარი აფეთქების შედეგად ერთი ადამიანი დაიღუპა და ექვსი დაშავდა.
ადგილობრივი მედიის ინფორმაციით, მაშველებმა დაშავებულები ნანგრევებიდან ამოიყვანეს, მათ შორის მცირეწლოვანიც.
აფეთქების გამომწვევი მიზეზი ამ დროისთვის უცნობია.
ადგილზე სამძებრო-სამაშველო ოპერაცია მიმდინარეობს.
