აშშ-ში, ბალტიმორში მდებარე ქარხანაში AstraZeneca-ს ვაქცინის წარმოება შეწყდა. ამის შესახებ გამოცემა Bloomberg წერს.
გამოცემის ცნობით, ეს ნაბიჯი გასულ კვირაში დაშვებული შეცდომის გამეორების თავიდან ასაცილებლად გადაიდგა, რამაც Johnson & Johnson-ის ვაქცინის 15 მილიონი დოზის გაფუჭება გამოიწვია.
ბიოტექნოლოგიური კომპანია Emergent BioSolution-ის ბალტიმორში მდებარე საწარმოში, AstraZeneca-სთან ერთად Johnson & Johnson-ის ვაქცინის წარმოებაც მიმდინარეობდა. Bloomberg-ის წყაროების ცნობით, ქარხნის მუშაკებმა შეცდომით Johnson & Johnson-ისა და AstraZeneca-ს ვაქცინების კომპონენტები შეურიეს, რის შემდეგაც პრეპარატი გამოსაყენებლად უვარგისი გახდა. მომხდარზე სრული პასუხისმგებლობა Johnson & Johnson-მა აიღო.
გამოცემის ცნობით, AstraZeneca აშშ-ის ხელისუფლებასთან სხვა ალტერნატიული საწარმოების მოსაძიებლად ითანამშრომლებს.