აზერბაიჯანის სახელმწიფო ნავთობკომპანია SOCAR ბელარუსში ნავთობის ახალი პარტიის გაგზავნას გეგმავს.
კომპანია SOCAR-ის წარმომადგენლის, იბრაჰიმ აჰმედოვის თქმით, პარტიის მოცულობა 85-90 ათას ტონა ნავთობს შეადგენს. ის მიმდინარე კვირაში გაიგზავნება.
"დაახლოებით 25-26 ივნისს ბელარუსში ჩვენ ნავთობის პარტიის გაგზავნას საქართველოს სუფსის პორტიდან ვგეგმავთ", - განაცხადა აჰმედოვმა.
შეგახსენებთ, რომ მარტსა და აპრილში ბელარუსმა აზერბაიჯანული ნავთობის 4 პარტია მიიღო, რომლის საერთო მოცულობა დაახლოებით 335 ათას ტონას შეადგენს.
ბელარუსისთვის აზერბაიჯანული ნავთობის მიწოდების შესახებ შეთანხმებას მარტის დასაწყისში მიაღწიეს.
ბელორუსული კონცერნის, “ბელნეფტეხიმის” ინფორმაციით, წელს SOCAR-ი ბელორუსს საქართველოს პორტების მეშვეობით მილიონ ტონამდე ნავთობს მიაწვდის.
25 მარტს აზერბაიჯანის სახელმწიფო ნავთობკომპანიამ, SOCAR-მა საქართველოს პორტ სუფსიდან ბელორუსიისთვის გააგზავნა აზერბაიჯანული ნავთობის მეორე პარტია 85 ათასი ტონის ოდენობით.