ანტვერპენის უნივერსიტეტში, ბელგიაში, 11 წლის ლორან სიმონსმა ფიზიკის ბაკალავრის ხარისხის მიღება შეძლო. ინფორმაციას სასწავლო დაწესებულების ადმინისტრაცია ადასტურებს. ამის შესახებ VRT იტყობინება.
სიმონსი "ვუნდერკინდია". საშუალო სკოლა მან 8 წლის ასაკში დაამთავრა.
ფიზიკის ბაკალავრის კურსის დასრულება მან სულ რაღაც ერთ წელიწადში შეძლო. ზოგადად, პროგრამა სამწლიანია.
მომდევნო სასწავლო წელს სიმონსი ოფიციალურად დაიწყებს მაგისტრატურაში სწავლას.
