გასული კვირის განმავლობაში ბელგიაში COVID-19-ით ინფიცირების ყოველდღიური მაჩვენებელი წინა კვირასთან შედარებით ერთბაშად 52%-ით გაიზარდა. Report.ge-ს ცნობით, ინფორმაციას The Brussels Times ავრცელებს.
"24-დან 30 დეკემბრამდე, ქვეყანაში დღეში საშუალოდ 10 126 ახალი შემთხვევა ფიქსირდებოდა, რაც წინა კვირასთან შედარებით (17-23 დეკემბერი) 52%-ით არის გაზრდილი. მხოლოდ გასულ ხუთშაბათს კორონავირუსის დაახლოებით 16 000 ახალი შემთხვევა დადასტურდა“, - ნათქვამია ინფორმაციაში.
ამავე პერიოდში COVID-19-ის დიაგნოზით ჰოსპიტალიზაციის საშუალო დღიური რაოდენობაც ოდნავ გაიზარდა - ბელგიის საავადმყოფოები ყოველდღიურად 149 ახალ კოვიდინციფირებულ პაციენტი იღებდა. კვირას მდგომარეობით, ქვეყნის საავადმყოფოებში 1765 პაციენტი იმყოფებოდა. ინტენსიური თერაპიის განყოფილებაში 508 პაციენტია.
ქვეყნის ეპიდემიოლოგები მოსახლეობას "ბუსტერებით" ვაქცინაციას ურჩევენ.
3 იანვრის მონაცემებით, ბელგიის ზრდასრული მოსახლეობის 47%-ს (ქვეყნის მთლიანი მოსახლეობის 38%) კორონავირუსის საწინააღმდეგო ვაქცინების მესამე დოზა მიღებული გქონდა.
