Amazon-ისა და კომპანია Blue Origin-ის დამფუძნებელი, ჯეფ ბეზოსი ორგანიზაციებს, რომლებიც უსახლკარო ოჯახებს ეხმარებიან, 96.2 მილიონ აშშ დოლარს გადასცემს
ინფორმაცია ამის შესახებ ამერიკელი მილიარდერის საქველმოქმედო ფონდმა, Bezos Day One Fund-მა გაავრცელა.
ცნობილია, რომ ზემოხსენებულ თანხას 750 ათასიდან 5 მილიონ აშშ დოლარამდე მოცულობის გრანტის სახით აშშ-ის 21 შტატში მოქმედი 32 ორგანიზაცია მიიღებს.
2018 წელს დაარსებული Bezos Day One Fund-ი უსახლკარო ოჯახებისთვის ყოველწლიურად 100 მილიონ აშშ დოლარამდე თანხას გამოყოფს. ჯამში არსებობის მანძილზე ფონდმა უკვე 398 მილიონი აშშ დოლარი გაიღო.
