ოთხწლიანი რესტავრაციის შემდეგ, ბიგ-ბენის საათის ციფერბლატები საახალწლოდ გაიხსნება. ინფორმაციას Reuters ავრცელებს.
"ახალი წლისთვის შეძლებთ ნახოთ, როგორ დაიწყებენ მსოფლიოში ცნობილი საათები ათვლას“, - განაცხადა რესტავრაციის პროექტის ხელმძღვანელმა ნიკ სტერჯმა.
წლების განმავლობაში, ასობით ხელოსანი ციფერბლატების რესტავრაციაზე მუშაობდა. ეს ყველაზე მასშტაბური სამუშაოები იყო, მას შემდეგ, რაც ბრიტანეთის დედაქალაქის ერთ-ერთი სიმბოლო 1859 წელს აშენდა.
რესტავრაცია ციფერბლატებზე ყველა შუშის პანელის შეცვლას მოიცავს. ისრები, ნომრები და სხვა დეტალები ლურჯი ფერით ხელახლა შეღებეს. პროექტის ღირებულებამ 79,7 მილიონი გირვანქა სტერლინგი შეადგინა.