ამერიკის შეერთებული შტატების ყოფილი პრეზიდენტი ბილ კლინტონი კალიფორნიის საავადმყოფოში გადაიყვანეს. ამის შესახებ ექიმებსა და პოლიტიკოსის წარმომადგენლებზე დაყრდნობით ტელეარხი CNN იუწყება.
კლინტონის ავადმყოფობა COVID-19-ს არ უკავშირდება. მისი ჰოსპიტალიზაციის მიზეზი სისხლის ინფიცირება იყო.
"ის საავადმყოფოში ინფექციით გადაიყვანეს. მას ანტიბიოტიკებით მკურნალობენ და ექიმების თქმით, ის მათზე დადებითად რეაგირებს", - აღნიშნულია არხის ინფორმაციაში.
კლინტონის წარმომადგენელმა ასევე განაცხადა, რომ ექსპრეზიდენტი "გამოჯანმრთელების გზაზეა".
უილიამ ჯეფერსონი (ბილ) კლინტონი ამერიკის შეერთებული შტატების პრეზიდენტი 1993 წლიდან 2001 წლამდე პერიოდში იყო.
