გერმანული კომპანია BioNTech, სექტემბერში, მათ მიერ შემუშავებული ვაქცინის კლინიკური კვლევების შედეგების გასაჯაროებას გეგმავს, რომელიც ექვსი თვის ჩვილებზე და 5 წლამდე ასაკის ბავშვებზე ჩატარდა. ივლისში კი წარმოადგენს კვლევის შედეგებს, რომელიც 5-დან 12 წლამდე ბავშვებზე ჩატარდა. ინფორმაციას ამის შესახებ Reuters ავრცელებს.
”თუ ყველაფერი კარგად ჩაივლის, კვლევის მონაცემების დამუშავების შემდეგ, შეგვეძლება ვაქცინა გამოვიყენოთ ყველა ასაკის პირებზე,” - განაცხადა BioNTech–ის აღმასრულებელმა დირექტორმა უგურ შაჰინმა.
ცნობისთვის, ამჟამად, ვაქცინის გამოყენება შესაძლებელია მხოლოდ 16 წელს გადაცილებული პირებისთვის.
