ბირთვული იარაღის აკრძალვის შესახებ ხელშეკრულება 50-ე ქვეყნის მიერ იქნა რატიფიცირებული, რაც იმას გულისხმობს, რომ 90 დღის შემდეგ დოკუმენტი ოფიციალურად შევა ძალაში. ამის შესახებ გამოცემა Deutsche Welle წერს.
ჰონდურასი მსოფლიოს 50-ე ქვეყანა გახდა, რომელმაც ბირთვული იარაღის აკრძალვის ხელშეკრულების რატიფიცირება მოახდინა.
წითელი ჯვრის საერთაშორისო კომიტეტის ხელმძღვანელმა პიტერ მაურერმა ხელშეკრულების ძალაში შესვლას "კაცობრიობის გამარჯვება" და "უსაფრთხო მომავლის დაპირება" უწოდა.
ბირთვული იარაღის აღმოფხვრის საერთაშორისო კამპანიის ინიციატივის ხელმძღვანელმა, ბეატრის ფინმა, რომელმაც 2017 წელს ნობელის პრემია მიიღო, განაცხადა, რომ ბირთვული იარაღის აკრძალვის შესახებ ხელშეკრულების ძალაში შესვლა "ისტორიული ნაბიჯია" და "ბირთვული განიარაღების ისტორიაში ახალ თავს წარმოადგენს. ”
ბირთვული იარაღის აკრძალვის ხელშეკრულება საერთაშორისო ხელშეკრულებას წარმოადგენს, რომელიც ამ ტიპის იარაღის შემუშავებას, ტესტირებას, შენახვას, შეძენას, ტრანსპორტირებასა და გამოყენებას კრძალავს. დოკუმენტი მიღებულია 2017 წლის ივლისში, მსოფლიოს 122 სახელმწიფოს მხარდაჭერით.
BREAKING NEWS:
— Austria UN (@AustriaUN) October 24, 2020
Honduras has just ratified the #TPNW on #UNDay.
The #nuclearban now has 50 States Parties & will enter into force in 90 days!
@mfa_austria @nuclearban
