ბრაზილიის პრეზიდენტმა, ჟაირ ბოლსონარუმ კორონავირუსის საწინააღმდეგო ვაქცინის გაკეთების დრო გადადო. ის 3 აპრილს უნდა აცრილიყო, თუმცა მან ამ პროცესის გადადება გადაწყვიტა.
აღსანიშნავია, რომ ბრაზილიის პრეზიდენტის აზრით, ვაქცინები ზედმეტად სწრაფად შეიქმნა, რაც მას უნდობლობის საფუძველს აძლევს. ის განსაკუთრებით კრიტიკულია ჩინური ვაქცინისა და Pfizer-ის მიმართ. ასევე ფიქრობს, რომ ვაქცინაცია სავალდებულო არ უნდა იყოს.
ერთ-ერთი წყაროს თანახმად, ბრაზილიის პრეზიდენტმა ვაქცინა შესაძლოა 12 აპრილამდე გაიკეთოს დახურულ კარს მიღმა.
შეგახსენებთ, რომ ბოლსონარუს უკვე გადატანილი აქვს COVID-19.