დიდი ბრიტანეთის პრემიერ-მინისტრ ბორის ჯონსონს, რომელიც კორონავირუსით არის ინფიცირებული, მოკლე მანძილზე დამოუკიდებლად სიარული შეუძლია, – ამის შესახებ პრემიერის ადმინისტრაციის პრესსპიკერმა განაცხადა.
მისივე ცნობით, ბორის ჯონსონი ექიმებს ესაუბრა და მთელ სამედიცინო გუნდს მადლობა გადაუხადა განსაკუთრებული მზრუნველობისთვის.
„მისი ფიქრები ახლა მათთანაა, ვინც ამ საშინელი დაავადებით დაზარალდა“, – განაცხადეს პრემიერის ოფისში.
ბორის ჯონსონმა ინტენსიური განყოფილება გუშინ, 9 აპრილს, საღამოს დატოვა. ბორის ჯონსონი ინტენსიური თერაპიის განყოფილებიდან პალატაში გადაიყვანეს, სადაც მისი გამოჯანმრთელების ადრეულ ეტაპს დააკვირდებიან.
შეგახსენებთ, დიდი ბრიტანეთის პრემიერ-მინისტრს 27 მარტს, ახალი კორონავირუსი დაუდასტურდა. ხოლო, 6 აპრილს, ჯანმრთელობის მდგომარეობის გაუარესების გამო, პრემიერი ინტენსიური თერაპიის განოფილებაში გადაიყვანეს.
