ბრაზილიის პრეზიდენტმა, ჟაირ ბოლსონარუმ COVID-19–ის საწინააღმდეგო ვაქცინის გაკეთებაზე უარი განაცხადა.
პრეზიდენტის განცხადებით, იგი იქნება "ბოლო ბრაზილიელი", რომელიც ვაქცინას გაიკეთებს.
"ვუყურებ ახალ კვლევებს, მე უკვე მაქვს იმუნიზაციის ყველაზე მაღალი მაჩვენებელი, რატომ უნდა მივიღო ვაქცინაცია?", - განაცხადა ბრაზილიის პრეზიდენტმა.
ბოლსონარუ ასევე მკაცრად ეწინააღმდეგება ვაქცინაციის სავალდებულოობას.
ბრაზილიის 213 მილიონი ადამიანიდან თითქმის 100 მილიონი სრულად არის აცრილი, ხოლო კიდევ 50 მილიონი პირველი დოზით აიცრა.