ბრიტანეთის საბჭო, ორგანიზაცია, რომელიც ბრიტანეთსა და სხვა ქვეყნებს შორის საგანმანათლებლო, კულტურულ და მხატვრულ თანამშრომლობას ეწევა, ქვეყნის ფარგლებს გარეთ 11 ოფისს დახურავს.
გამოცემა Politico-ს ცნობით, ბრიტანეთის საბჭო სახელმწიფო გრანტებით და საკუთარი კომერციული საქმიანობით ფინანსდება. გავრცელებული ინფორმაციით, ორგანიზაციამ ოფისების დახურვის გადაწყვეტილება ფინანსური კრიზისის გამო მიიღო.
დიდი ბრიტანეთის მთავრობა პროგნოზირებს, რომ ბრიტანეთის საბჭოს საქმიანობისათვის საჭირო შემოსავლები მინიმუმ 2023 წლამდე არ აღდგება.
ბრიტანული საგარეო პოლიტიკის ჯგუფის კვლევითი სააგენტოს დირექტორი, სოფია გასტონი აცხადებს, რომ ბრიტანეთის მთავრობამ ყველაფერი უნდა გააკეთოს ბრიტანეთის საბჭოს ოფისების დახურვის თავიდან ასაცილებლად.
