ბულგარეთის 47-ე მოწვევის პარლამენტის თავმჯდომარედ 34 წლის ადვოკატი, კოალიცია "ვაგრძელებთ ცვლილებებს" დეპუტატი ნიკოლა მინჩევი აირჩიეს. მის კანდიდატურას მხარი 158-მა დეპუტატმა დაუჭირა, ერთი წინააღმდეგი იყო, 72-მა თავი შეიკავა.
თავმჯდომარეობის მეორე კანდიდატი პარტია "აღორძინების" წარმომადგენელი ცონჩო განევი, მის კანდიდატურას მხარი მხოლოდ 13-მა კანონმდებელმა დაუჭირა, წინააღმდეგი იყო 91, თავი შეიკავა 88-მა.
14 ნოემბერს ბულგარეთში რიგგარეშე არჩევნებში ეროვნული ასამბლეის ახალი შემადგენლობა აირჩიეს, 3 დეკემბერს კი დეპუტატები თავიანთი მოვალეობების შესრულებას შეუდგნენ.
