ჩინეთში უჩვეულო სამუშაოს მქონე ადამიანი ძალიან პოპულარული გახდა. ის დღის განმავლობაში თავის კლიენტებს რამდენჯერმე ურეკავს, რათა მათ დაძლიონ სიზარმაცე და დაასრულონ წამოწყებული საქმეები.
შაო ჟუ ონლაინ მეთვალყურეა. ექვსი წლის განმავლობაში 20 ათასზე მეტმა ადამიანმა მიმართა მას დახმარებისთვის. ჩინელი მამაკაცი დღეში დაახლოებით 15 საათს ატარებს კლიენტებთან ზარებისა და მესიჯებში, რომლის დროსაც იგი ახსენებს ადამიანებს, განახორციელონ გეგმები და დაუსრულებელი სამუშაოები დროზე ადრე დაასრულონ.
მისი თქმით, კლიენტების უმეტესობა 18-დან 30 წლამდე ასაკის ახალგაზრდებია, რომლებიც მარტო ცხოვრობენ და თვითდისციპლინას მოკლებულნი არიან.
შაოს თქმით, მათი უმეტესობა გამოცდისთვის ემზადება ან წონაში დაკლებას ცდილობს.
