ჩინეთის მთავრობამ ახალი ცათამბჯენების მშენებლობაზე რიგი მკაცრი შეზღუდვები დააწესა. ინფორმაციას ქვეყნის საბინაო, ურბანული და სოფლის მშენებლობის სამინისტროსა და საგანგებო სიტუაციების სამინისტროს განცხადებაშია აღნიშნული.
უწყებები 250 მ-ზე მეტი სიმაღლის ახალი შენობების მშენებლობას კრძალავენ ქალაქებში, სადაც მოსახლეობა 3 მილიონზე ნაკლებია. ამასთან, ამ დასახლებებში 150 მ-ზე მაღალი შენობების მშენებლობა ადგილობრივი ხელისუფლების მიერ
მკაცრად უნდა კონტროლდებოდეს.
ქალაქებში, სადაც 3 მილიონზე მეტი ადამიანი ცხოვრობს, აკრძალულია 500 მ-ზე მეტი სიმაღლის შენობების აშენება, ხოლო 250 მ-ზე მეტი სიმაღლის შენობებზე ხელისუფლების მკაცრი კონტროლი დაწესდება.
უწყებებმა ასევე აკრძალეს ცათამბჯენების მშენებლობა ისტორიულ უბნებში, კულტურული მემკვიდრეობის ძეგლების გვერდით და გადატვირთული ტრაფიკის მქონე ადგილებში.