ჩინეთი Tesla-ს ადანაშაულებს, რომ კომპანია ელექტრომობილებს ჩინეთში ჯაშუშობისთვის იყენებს. ამის შესახებ BBC იუწყება.
ჩინეთის სამხედროებმა საკუთარ ობიექტებზე Tesla-ს გამოყენება აკრძალეს. ჩინეთში აცხადებენ, რომ ელექტრომობილების სალონში სათვალთვალო კამერებია დამონტაჟებული, რომლებიც მონაცემებს უკანონოდ აგროვებენ.
თავის მხრივ, ამერიკული ელექტრომობილების მწარმოებელი კომპანია Tesla-ს აღმასრულებელი დირექტორი, ილონ მასკი ჩინეთის ბრალდებებს უარყოფს.
ელონ მასკი აცხადებს, რომ თუ მის მანქანებს ვინმე ჯაშუშობისთვის გამოიყენებდა კომპანიას აუცილებლად დახურავდა.
”ჩვენთვის ძალიან მნიშვნელოვანია ნებისმიერი ინფორმაციის კონფიდენციალურობის დაცვა", - აღნიშნა მასკმა. მან ასევე განაცხადა, რომ თუ კერძო ბიზნესი უცხო ქვეყნის მთავრობის საქმიანობის ჯაშუშობაში ჩაერთვება, ეს ორივე მხარისთვის დამანგრეველი აღმოჩნდება.