ჩინეთის ცენტრალურმა ბანკმა კრიპტოვალუტით განხორციელებული ტრანზაქციები არალეგალურად გამოაცხადა. მათ მიმოქცევაში აკრძალეს ყველა ტიპის ვირტუალური ფული, როგორიცაა "ბიტკოინი".
"ვირტუალურმა ვალუტამ გავლენა მოახდინა ბიზნესის აქტივობებზე და წარმოშვა არალეგალური ფინანსური ტრანზაქციები. ის სერიოზულ საფრთხეს უქმნის ადამიანების ფინანსურ კეთილდღეობას", - განაცხადა ბანკის წარმომადგენელმა.
ჩინეთი ამ დრომდე მსოფლიოს ერთ-ერთი ყველაზე დიდი კრიპტო ბაზარი იყო. ამ განაცხადებიდან მალევე ბიტკოინის ღირებულება 2 000 აშშ დოლარით დაეცა.
