ერთი ადამიანი დაიღუპა და სამი დაშავდა ჩინეთის სარემონტო ქარხანაში აფეთქების შედეგად. შემთხვევა ქალაქ ბაისეში, გუანსი-ჩჟუანის ტერიტორიაზე მოხდა.
აფეთქების ტალღა იმდენად ძლიერი იყო, რომ ირგვლივ საცხოვრებელ სახლებში მინები ჩაამსხვრია, ავტომანქანები და ხეები დააზიანა. ქარხნის გარშემო დიდი თეთრი კვამლი გაჩნდა. ადგილობრივი მედიის ინფორმაციით, ქარხანაში, სავარაუდოდ, რეაგენტი აფეთქდა, რომელსაც გზების სარემონტოდ იყენებენ.
