ჩინეთის მთავრობამ კიდევ ერთ უმსხვილეს ქალაქში, ანიანში, რომლის მოსახლეობა 5,5 მილიონს აღწევს, "ლოქდაუნი" გამოაცხადა. ინფორმაციას Associated Press ავრცელებს.
10 იანვარს აქ კორონავირუსის შტამ "ომიკრონის" 2 შემთხვევა გამოვლინდა.
მოსახლეობას სახლების დატოვება აეკრძალა, ყველა საზოგადოებრივი ადგილი, მაღაზია და დაწესებულება დაიხურა. დაშვებულია მხოლოდ მაღაზიები და სუპერმარკეტები, რომლებიც პირველადი აუცილებლობის საქონელს ყიდიან.
გარდა ამისა, ხელისუფლებამ მანქანების მოძრაობა შეზღუდა და არასაჭირო გადაადგილება აკრძალა.
ჯერჯერობით უცნობია, რამდენ ხანს გაგრძელდება "ლოქდაუნი" ანიანში.