ჩინეთში, ქალაქ ვუჰანში კორონავირუსით დაიფიცირებულთათვის ახალი საავადმყოფო რამდენიმე დღეში აშენდა.
ახალაშენებული საავადმყოფო, რომლის ფართობიც 25,000 კვადრატულ მეტრს შეადგენს, პაციენტებს ორშაბათიდან მიიღებს. ამის შესახებ ინფორმაციას BBC ავრცელებს.
The Global Times newspaper-ის განცხადებით საავადმყოფოს მშენებლობის პროცესი ადგილობრივი მაუწყებლის, CCTV-ის მეშვეობით, პირდაპირ ეთერში აშუქებდა და მას 40 მილიონი მაყურებელი ადევნებდა თვალს.
ამ დროისთვის, ჩინეთში ინფიცირებულთა ოფიციალური რაოდენობა 14 380-ს აღწევს. მხოლოდ გასული დღე-ღამის განმავლობაში კორონავირუსით 2 590 ადამიანი დაინფიცირდა. ბოლო მონაცემებით, გარდაცვლილია 304 ადამიანი. ყველა მათგანი პროვინცია ჰუბეის მკვიდრია.