ჩინეთში ახალი ულტრაიისფერი სადეზინფექციო ნათურა შექმნეს, რომელიც ზედაპირს კორონავირუსისგან 99,99%-ით წმენდს. ამის შესახებ Chinadaily წერს.
მოწყობილობამ ჰუბეის პროვინციის დაავადებათა კონტროლისა და პრევენციის ცენტრში ცდები წარმატებით გაიარა და სხვადასხვა ობიექტის დეზინფექციისთვის გამოყენების რეკომენდაცია მიიღო.
სპეციალისტების თქმით, ნათურები ვერცხლისწყლის ნათურებზე გაცილებით ეფექტურია.
ამ სანათებს 50 ათას საათამდე მუშაობა შეუძლია. ამასთან, შემქმნელების თქმით, ის ნაკლებ ენერგიას მოიხმარს. მოწყობილობა სტაფილოკოკის ბაქტერიის შემთხვევაშიც ეფექტური აღმოჩნდა.
