მეტეორების წვიმა წელიწადის ერთსა და იმავე დროს ხდება, როდესაც დედამიწა ასტეროიდების ნამსხვრევების გროვას უახლოვდება. ჩინეთის ქალაქ ლიძიანში დეკემბერში ტყუპების თანავარსკვლავედის მეტეორების წვიმის დანახვა ყველაზე კარგად არის შესაძლებელი.
მეტეორული ნაკადი მეტეორების ერთობლიობაა, რომლებიც პარალელურად მოძრაობენ, რის გამო ცის თაღზე მათი ხილული გზები თითქოს ერთი წერტილიდან, ეგრეთ წოდებული რადიანტიდან გამოდის. (რადიანტი ლათინურად სხივის მატარებელს ნიშნავს და აღნიშნავს წერტილს ცაზე, რომელიც მეტეორთა ნაკადის ცენტრი გვგონია). ღამით ისინი მეტეორების წვიმის გასაოცარ ეფექტს ქმნიან. მეტეორული ნაკადების დანახვა შესაძლებელია მზის ირგვლივ ელიფსურ ორბიტებზე მოძრავი მეტეორული სხეულების გუნდების დედამიწის ატმოსფეროსთან შეხვედრისას. მეტეორულ ნაკადებს სახელს იმ თანავარსკვლავედების მიხედვით არქმევენ, რომლებშიც მათი რადიანტები მდებარეობს.
