2019 წელს ჩრდილოეთ კორეიდან სამხრეთში გაქცეულთა რიცხვი რეკორდულად შემცირდა. ინფორმაციას ამის შესახებ გაერთიანების საკითხებში სამხრეთ კორეის სამინისტრო აკეთებს. მონაცემებზე დაყრდნობით, 2019 წელს სამხრეთ კორეაში გაქცევა მხოლოდ 1047-მა ჩრდილოკორეელმა მოახერხა, რომელთა 81% ქალია. ქალების სიმრავლე იმით არის განპირობებული, რომ ისინი ჩრდილოეთ კორეაში ნაკლებად დასაქმებულები არიან და მათი ადგილზე არყოფნა შედარებით შეუმჩნეველია ხელისუფლების წარმომადგენლებისთვის.
ჩრდილოკორეელი მოქალაქეები ქვეყნიდან გაქცევას ყველაზე წარმატებულად 2009-2014 წლებში ახერხებდნენ, თუმცა, 2011 წელს ხელისუფლების სათავეში ახალი ლიდერის, კიმ ჩენ ინის მოსვლის შემდეგ, კონტროლი ქვეყნიდან მიგრაციაზე მაქსიმალურად გამკაცრდა.
