COVID-19 ბიოლოგიურ იარაღად გამოყენების მიზნით არ არის შექმნილი, თუმცა ჩინური მხარის დახმარების გარეშე მისი წარმომავლობის სრულად შესწავლა შეუძლებელია - ამის შესახებ Washington Post ამერიკის დაზვერვის ახალ ანგარიშზე დაყრდნობით წერს.
როგორც ანგარიშიდან ირკვევა, მეცნიერები კორონავირუსის წარმოშობის 2 მთავარ მოსაზრებას განიხილავენ - ესენია ცხოველიდან ადამიანზე გავრცელება და ვირუსის ვუჰანის ლაბორატორიიდან გაჟონვა.
ანგარიშში საუბარია იმაზეც, რომ ჩინური მხარე არა თუ ეხმარება საერთაშორისო გამოძიებას, კვლავ ხელს უშლის ინფორმაციის მოპოვებაში.
ანგარიშის გაცნობის შემდეგ, აშშ-ის პრეზიდენტი ჯო ბაიდენი აცხადებს, რომ ჩინეთი კორონავირუსის წარმოშობის დასადგენად საჭირო ინფორმაციას არ გასცემს და საერთაშორისო გამომძიებლებს მონაცემებზე წვდომაში ხელს უშლის.