ისტორიაში ყველაზე დიდი ვაქცინაციის კამპანია მიმდინარეობს. გამოცემა Bloomberg-ის მიერ შეგროვებული მონაცემების თანახმად, მსოფლიო მასშტაბით, 141 ქვეყანაში, კორონავირუსის საწინააღმდეგო ვაქცინის 528 მილიონზე მეტი დოზაა ადმინისტრირებული, რაც მთელი დედამიწის მოსახლეობის 3.4%-ის ვაქცინაციისათვის არის საკმარისი.
გამოცემის ცნობით, ყოველდღიურად ვაქცინა 14 მილიონამდე ადამიანს უკეთდება. ყველაზე სწრაფად იმუნიზაციის პროცესი აშშ-ში მიმდინარეობს. ამ დროისთვის, ქვეყნის მასშტაბით კორონავირუსის საწინააღმდეგო 140 მილიონი ინექცია გამოიყენეს.
მეორე ადგილზე, 91 მილიონი დოზით, ჩინეთია, მესამეზე კი - ევროკავშირი, სადაც ვაქცინების 65 მილიონი დოზა გაკეთდა. ვაქცინაციის ტემპით, მსოფლიოში კვლავ ისრაელი ლიდერობს, სადაც მოსახლეობის 52%-მა ვაქცინის ორივე დოზა მიიღო.
