დაღესტანის ქალაქ კიზლიარში იანვრიდან დღემდე მწვავე ნაწლავური ინფექციით ექიმებს 189 ადამიანმა მიმართა. აქედან 103 ბავშვია. ინფორმაციას ამის შესახებ ქალაქის მერიის პრესსამსახური ავრცელებს.
წინასწარი ინფორმაციით, ისინი სასმელი წყლით მოიწამლნენ, რომელიც კიზლიარის სადგურ N4-დან მიეწოდებოდა მოსახლეობას. ამ გაყვანილობით წყლის მიწოდება ამჟამად შეწყვეტილია. მოქალაქეებს სასმელი წყლით სპეციალური ცისტერნებიდან ამარაგებენ. მიმდინარეობს გამოძიება.
