ინტერნეტში გამოჩნდა მეორე სინგლი, რომელიც დალაი-ლამა XIV-ის პირველ მუსიკალურ ალბომში შევა. მისი სახელწოდებაა "შინაგანი სამყარო" (Inner World). ახალი სიმღერა მის YouTube-არხზეა ხელმისაწვდომი.
კომპოზიციის სახელწოდებაა "ერთ-ერთი ჩემი საყვარელი ლოცვა" (One of My Favorite Prayers).
პირველი სინგლი სინგლი "თანაგრძნობა" (Compassion) ინტერნეტში ივნისის დასაწყისში გამოქვეყნდა.
ფირფიტა "Inner World", რომელიც 11 ტრეკს მოიცავს, ციფრულ სივრცეში 6 ივლისს, სულიერი ლიდერის 85 წლისთავთან დაკავშირებით გამოვა. მთელი შემოსავალი ქველმოქმედებას მოხმარდება.
