დანიის ხელისუფლების გადაწყვეტილებით, ქვეყანაში კორონავირუსის ახალი შემთხვევების მატების გამო, ახალი შეზღუდვები დაწესდა.
ადგილობრივი მედიის ცნობით, ქვეყნის მასშტაბით იკრძალება 10 ადამიანზე მეტის შეკრება. ამასთან, 22:00 საათის შემდეგ იკრძალება ალკოჰოლის გაყიდვა.
დანიის მოქალაქეებს დახურულ საზოგადოებრივ ადგილებში პირბადის ტარება მოეთხოვებათ. აღნიშნული შეზღუდვები, სავარაუდოდ, 2 იანვრამდე გაგრძელდება.
