დანიის ფეხბურთელი კრისტიან ერიქსენი ცოცხალია და მისი ჯანმრთელობის მდგომარეობა სტაბილურია.
გავრცელებული ინფორმაციით, ერიქსენს მოედანზე გულის კოლაფსი დაემართა, რაც უეცრად წარმოშობილი სისუსტითა და სისხლძარღვთა ტონუსის დაცემით გამოიხატება, მას თან ახლავს არტერიული წნევისა და ყველა სასიცოცხლო ფუნქციის მკვეთრი დაქვეითება.
შეგახსენებთ, რამდენიმე წუთის წინ, "ევრო 2020"-ის რიგით მე-3 მატჩში, დანია - ფინეთს თამაშზე, პირველი ტაიმის მიწურულს მოულოდნელი უსიამოვნო ინციდენტი მოხდა და დანიის ფეხბურთელი კრისტიან ერიქსენი მიწაზე უგონოდ დაეცა.
