ექსპერტების მოსაზრებით, შესაძლოა, შინაურ ცხოველებს კორონავირუსზე აცრა დასჭირდეთ. ამის შესახებ ბრიტანული გამოცემა The Guardian წერს.
East Anglia-ს უნივერსიტეტის, Earlham-ის ინსტიტუტისა და მინესოტას უნივერსიტეტის ექსპერტების განცხადებით, მათ აღმოაჩინეს მტკიცებულებები, რომ კორონავირუსის შინაური ცხოველიდან ადამიანზე გადაცემა "საზოგადოებრივი ჯანდაცვისათვის მნიშვნელოვან და გრძელვადიან საფრთხეს წარმოადგენს".
"შესაძლოა, ინფექციის გავრცელების აღსაკვეთად შინაური ცხოველის ზოგიერთი სახეობის ვაქცინაცია აუცილებელი გახდეს", - განაცხადა მოლეკულურმა ბიოლოგმა, ლარისა ლაბცინმა. მისი თქმით, ცხოველების ვაქცინაციის კამპანია პირველმა, შესაძლოა, ავსტრალიამ წამოიწყოს.
