დღესასწაულების შემდეგ წონაში სწრაფად დასაკლებად კურკუმა დაგეხმარებათ, რადგან ეს სანელებელი წონის დაკლებას და ახალგაზრდობის შენარჩუნებას უწყობს ხელს. ამის შესახებ დიეტოლოგმა, ლოლა ბიგსმა განაცხადა.
ექსპერტი წონის დაკლების მსურველებს ურჩევს რეგულარულად მიირთვან ბოსტნეული, ბროკოლის ჩათვლით. ეს არა მხოლოდ სძენს კანს სიახლეს და ელასტიურობას, არამედ ხელს უწყობს წონის დაკლებას. ის ასევე ინარჩუნებს სისხლში შაქრის დონეს და შეიცავს ვიტამინებს A, E და თუთიას.
ავოკადო, რომელიც მდიდარია E ვიტამინით, დაგეხმარებათ წონის დაკლებაში. პროდუქტი სასარგებლო გავლენას ახდენს თმის და კანის ხარისხზე, ებრძვის ნაადრევ დაბერებას და აუმჯობესებს მეტაბოლიზმს.
ექიმმა ასევე დასძინა, რომ წონის დაკლების მსურველებს შეუძლიათ, მიირთვან კენკრა, როგორიცაა ალუბალი, მოცვი და წითელი მოცხარი, რადგან ისინი დაბალკალორიულია და C ვიტამინს შეიცავს.
გარდა ამისა, ბიგსმა ისაუბრა თევზის სასარგებლო თვისებებზე. ორაგული, კალმახი, სარდინი და სკუმბრია ჭარბი წონის წინააღმდეგ ბრძოლაში საუკეთესო საშუალებაა. მან აღნიშნა, რომ ამ ტიპის თევზი მდიდარია ომეგა 3-ით.
აღინიშნა, რომ ახლახან ჩატარებულმა კვლევამ დაადასტურა, რომ თევზი წონის დასაკლებად და ჯანმრთელობისთვის უფრო სასარგებლოა, ვიდრე საქონლის ხორცი ან ღორის ხორცი.
